රත්නමාලී යන්ත්රය
සං සාර සාරෝඝ විනීත නී සං
සං නීත සාතං සුචිසාර ධී සං
සං ධීරකං සොණ්ණ තනු පලා සං
සං ලාභ දේසිං පණමේභි සා සං
සං සාභිගං කේවල මෝහ නා සං
සං නාහකං මාර රණේ විසේ සං
සං සේවිතං දාසි මුදාර හා සං
සං හාර ධම්මං පණමේ සදා සං
සං දාසගං නාසිත පාප නා සං
සං නාප දංසිං හත ඝෝර පා සං
සං පාර ගාමිං සුචිසාර වා සං
සං වාර සංඝං පණමේ රසා සං
මෙය සර්ව ආරක්ෂාව සහ සෙත් ශාන්තිය සලසන මහා බලසම්පන්න යන්ත්රයකි.
බෞද්ධ ඉතිහාසයේ සහ හෙළ යන්ත්ර මන්ත්ර ශාස්ත්රයේ එන ඉතාමත් බලසම්පන්න මෙන්ම පූජනීය යන්ත්රයක් ලෙස රත්නමාලී යන්ත්රය හැඳින්විය හැකිය. මෙම යන්ත්රය නිර්මාණය වී ඇත්තේ අතිශය බලගතු රත්නමාලි ගාථා රත්නය පදනම් කරගෙනය.හෙල ඉතිහාසයට අනුව දුටුගැමුණු රජතුමා රුවන්වැලි මහා සෑය තැනවීමේදී මෙහි එන ආරක්ෂක මන්ත්ර හා ගාථා භාවිතා කල බව ජනප්රවාදයේ සදහන් වේ. විශේෂයෙන්ම රුවන්වැලි මහා සෑ රජුන්ගේ ධාතු නිදන් කිරීමේදී සහ ආරක්ෂාව උදෙසා මෙම රත්නමාලී ගාථා රත්නයන් භාවිතා වූ බව කියැවේ.
රත්නමාලී යන්ත්රයේ සුවිශේෂත්වය
මෙම යන්ත්රය හුදෙක් තවත් එක් ආරක්ෂක යන්ත්රයක් පමණක් නොවේ. මෙහි ගැබ්ව ඇත්තේ දස දිශාවම ආවරණය වන පරිදි බුදුගුණ බලයෙන් සැකසූ මහා ආරක්ෂක වළල්ලකි. ඉපැරණි පුස්කොළ පොත්වල සඳහන් වන ආකාරයට, නිවැරදිව අක්ෂර පිහිටුවා, නියමිත වාර ගණනක් ජීවම් කළ රත්නමාලී යන්ත්රයක් සතු බලය අපමණය.
රත්නමාලී යන්ත්රය පැළඳීමෙන් ලැබෙන ප්රතිලාභ
සර්ව රෝග භය දුරු වීම: ශරීරයට වැළඳෙන විවිධ ලෙඩ රෝග සහ අමනුෂ්ය දෝෂවලින් ආරක්ෂාව සැලසේ.
අණවින හා හදි හූනියම්වලින් ආරක්ෂාව: තමන්ට එරෙහිව කරන බන්ධන, කොඩිවින සහ ඇස්වහ කටවහ වැනි දෝෂ නිශ්ප්රභා කිරීමේ ශක්තියක් මෙහි ඇත.
ග්රහ අපල සමනය වීම: සෙනසුරු අපල ඇතුළු නවග්රහ අපලවලින් සිදුවන පීඩා අවම කර ගැනීමට මෙය පැළඳීම ඉතා සුදුසුය.
ගෘහ ජීවිතයේ සතුට හා දියුණුව: රැකී රක්ෂා දියුණුවට සහ පවුලේ සමගිය පවත්වා ගැනීමට මෙමගින් ආශිර්වාදයක් ලැබේ.
සිතේ සහනය සහ ආරක්ෂාව: ගමන් බිමන් යන විටදී සහ අනතුරුදායක අවස්ථාවලදී නොපෙනෙන බලවේගවලින් ආරක්ෂාව ලබා දෙයි.
යන්ත්රය පැළඳීමේදී සැලකිලිමත් විය යුතු කරුණු
රත්නමාලී යන්ත්රයක් යනු බුදුගුණ බලය කැටි වූ පූජනීය වස්තුවකි. එබැවින් එහි උපරිම ඵල ලබා ගැනීමට නම්:
සෑම විටම දැහැමිව සහ පංචශීලය ආරක්ෂා කරමින් ජීවත් වීමට උත්සාහ කරන්න.
හැකි සෑම විටම යන්ත්රයට සුවඳ ධූපයක් අල්ලා නැවත සිහිපත් කිරීම සුදුසුය.
ඉතාමත් ශ්රද්ධාවෙන් උදේ,හවස හා සෑම යහපත් කටයුත්තකට පෙර කියවීමෙන්,ශ්රවනය කිරීමෙන්,දර්ශනය වීමෙන් ත්රිවිධ රත්නයේ ගුණ ලැබී ගත සිත සුවපත් වී සියලු සම්පත් උදා වෙන බව විශ්වාස කෙරේ.
රත්නමාලී යන්ත්රයක් පැළඳීමේදී නියමිත වාර ගණනක් (උදා: වාර 108, 1008) පිරිත් කර ජීවම් කරවා පැලදිමෙන් සුභ ඵල ලැබෙන බව විශ්වාසයයි.
